RTO Maharashtra Rules: नमस्कार मंडळी महाराष्ट्र राज्यातील वाहतूक शाखेतील पोलिस अधिकारी व अंमलदारांना वाहने थांबवून स्वतःच्या मोबाईल फोनचा वापर करून फोटो, चित्रीकरण करता येणार नाही, असे केल्यास संबंधितांवर शिस्तभंगाची कारवाई करण्याचे बजावले आहे. अपर वाहतूक पोलिस महासंचालक यांनी यासंबंधी पत्र जारी केले आहे. त्याची संपूर्ण माहिती आपण जाणून घेणार आहोत.
मोबाईलद्वारे फोटो काढून सोयीनुसार ई-चलान
पोलिस अधिकारी, अंमलदार हे स्वतःच्या खाजगी मोबाईल फोनद्वारे फोटो, चित्रीकरण करून वास्तविक वेळ सोडून, त्यांच्या सोयीनुसार ई-चलान प्रणालीमध्ये त्यांच्या मोबाईलमधील फोटो, चित्रफितचा वापर करून चुकीच्या पध्दतीने चलान जनरेट करतात. अशाप्रकारे खाजगी मोबाईलद्वारे फोटो काढून सोयीनुसार ई-चलान करताना निदर्शनास आले आहे.
परिवहन मंत्री यांची मुंबई येथे बैठक
परिवहन मंत्री रवींद्र चव्हाण यांच्या अध्यक्षतेत मुंबई येथे बैठक घेण्यात आली. बैठकीत वाहनचालक, मालक संघटनेच्या प्रतिनिधींनी पोलिसांच्या वैयक्तिक मोबाईलमधून फोटो, चित्रीकरण करण्याच्या प्रकाराबाबत तक्रारी केल्या. यामुळे वाहनधारक, मालकांच्या गोपनीयतेचे उल्लंघन होते, त्यात चुकीचा गैरवापर होण्याची शक्यता निर्माण होते, असे बैठकीत निदर्शनास आणून दिले.
वाहतूक उपमहानिरीक्षक महाराष्ट्र राज्य यांचे आदेश
आदेशानुसार, यापुढे सर्व दंडात्मक कारवाई अधिकृत कॅमेर्यांद्वारे, सिस्टमवर रेकॉर्ड ठेवून आणि रीयल टाइम डेटाच्या आधारे केली जाईल.
जर एखाद्या पोलिसाने स्वतःच्या मोबाईलवर फोटो काढून दंडात्मक कारवाई केली, तर त्याच्यावर तत्काळ शिस्तभंगाची कारवाई प्रस्तावित करण्याचे बजावण्यात आले आहे.
वाहतुकीचे नियमन करण्यासाठी नेमलेल्या पोलिस अधिकारी, वाहतूक पोलिसांना केवळ ई-चालान यंत्राचाच वापर करूनच कारवाई करण्याचे निर्देश देण्यात आले आहे.
गैरप्रकार आढळल्यास नागरिकांनी संबंधित वरिष्ठ अधिकार्यांकडे तक्रार करण्याचे आवाहन करण्यात आले आहेत.
चॅनल जॉईन करा
0 टिप्पण्या