डिजिटल गावकरी
दुर्गाप्रसाद घरतकर
Narendra Modi Latest news
दिल्ली: पीएम आवास योजना अंतर्गत 3 कोटी घरे बांधण्याचा निर्णय मोदी सरकार 3.0 च्या पहिल्या कॅबिनेट बैठकीत घेण्यात आला आहे. पंतप्रधानपदी विराजमान झाल्यानंतर नवी दिल्ली येथे मोदी कॅबिनेटची पहिली बैठक सध्या सुरू असून पीएम हाऊसमध्ये सुरू असलेल्या या बैठकीत अमित शाह, राजनाथ सिंह, मनोहर लाल खट्टर, सर्बानंद सोनोवाल, शिवराज सिंह, ललन सिंह यांच्यासह बडे नेते उपस्थित आहेत.
सर्वसामान्य नागरिकांना डोळ्यासमोर ठेवत या कॅबिनेटमध्ये मोठा निर्णय घेण्यात आला आहे. 3 कोटी घरे PM आवास योजनेतंर्गत बांधली जाणार आहेत. शहरी आणि ग्रामीण भागात ही घरे बांधली जाणार आहेत. जेंकरून सामान्य लोकांना याचा लाभ घेता येईल.
बांधण्यात येणाऱ्या या घरांमध्ये वीज कनेक्शन, एलपीजी कनेक्शन आणि नळ कनेक्शन असणार आहे. यापूर्वी, गेल्या 10 वर्षांत पात्र गरीब कुटुंबांसाठी सुमारे 4.21 कोटी घरे प्रधानमंत्री आवास योजनेंतर्गत बांधण्यात आली आहेत. या निर्णयापूर्वी शेतकऱ्यांसाठी किसान सन्मान निधीचा 17 वा हप्ता जारी करून मोदींनी आज पदाभार स्वीकारल्यानंतर सकाळी तिसऱ्या टर्मचा पहिला निर्णय घेतला होता.
0 टिप्पण्या