जितेंद्र आव्हाड यांच्यावर दोन गुन्हे दाखल,महाड मनुस्मृतीचे आंदोलन.

डिजिटल गावकरी न्यूज 

राष्ट्रवादी काँग्रेसचे नेते आणि आमदार जितेंद्र आव्हाड यांच्याकडून महाडमध्ये मनुस्मृतीचे दहन करताना डॉक्टर बाबासाहेब आंबेडकर यांचा फोटो फटला. त्यानंतर राज्यभरात भारतीय जनता पक्षाने जितेंद्र आव्हाड यांच्याविरोधात आंदोलन सुरु केले झाले आहे. जितेंद्र आव्हाड यांच्यावर महाड पोलीस ठाण्यात दोन गुन्हे दाखल करण्यात आले आहेत. या प्रकरणात जितेंद्र आव्हाड यांनी माफी मागितली असली तरी भाजप कार्यकर्ते माञ आक्रमक भूमिका आहे. राज्यभरात जितेंद्र आव्हाड विरोधात आंदोलन सुरु आहे. राजकिय तापमान वाढले आहे.त्यावर गुरुवारी जितेंद्र आव्हाड यांनी पत्रकार परिषद घेऊन आपली भूमिका स्पष्ट केली.

काय म्हणाले जितेंद्र आव्हाड

जितेंद्र आव्हाड म्हणाले की भाजप हा माझा वैचारिक शत्रू आहे. त्यामुळे त्यांच्या आंदोलनाची दखल मी घेत नाही माझ्याकडून चूक झाली आहे. ती मी मान्य केली आहे. त्यासंदर्भात मी माफी मागितली आहे. परंतु महात्मा फुले यांच्यावर बोलणारे तत्कालीन राज्यपाल भगतसिंह कोश्यारी आणि शिवाजी महाराजांवर बोलणारे मंत्री चंद्रकांत पाटील यांनी माफी मागितली होती का? मी माफी मागितली असून अनेकांनी माझ्याकडे चुकीने बाबासाहेबांचा फोटो फाटला असल्याचे म्हटले आहे. राष्ट्रवादी काँग्रेसचे नेते छगन भुजबळ यांनी माझ्यासंदर्भात असेच वक्तव्य केले आहे, त्यामुळे त्यांचे आभार व्यक्त केले आहे.

मनुस्मृतीचे दहन करण्याचा सर्व कार्यक्रम चांगला पार पडला परंतु अनावधानाने माझ्याकडून बाबासाहेबांचा फोटो फाटला. चूक लक्षात येताच बाबासाहेबांवर प्रेम करणाऱ्या सर्व जनतेची मी माफी मागितली. आता मला फाशी द्या, तरी चालेल पण मी मनुस्मृती आणि मनुवादाच्या विरोधात उभा राहणार आहे. स्त्री द्वेषाची बिजे रोवणाऱ्या मनुस्मृतीस माझा विरोध असणार आहे. स्त्रियांना जगण्याचा अधिकार नाही, हे मनुस्मृती म्हणते, ते मला मान्य नाही असे जितेंद्र आव्हाड यांनी स्पटपणे सांगितले.