 |
| Thet karj Yojana scheme 2025 : |
मित्रांनो, जर तुम्हालाही स्वतःचा व्यवसाय सुरू करायचा असेल किंवा लघुउद्योगाच्या माध्यमातून आर्थिक उभारी घ्यायची असेल, तर ही योजना तुमच्यासाठी सुवर्णसंधी ठरू शकते.
थेट कर्ज योजना म्हणजे काय?
महात्मा फुले मागासवर्ग विकास महामंडळ मर्यादित यांच्या मार्फत राबवली जाणारी ही योजना म्हणजे सरळ शासनाकडून मिळणारे आर्थिक साहाय्य आहे. या योजनेचा उद्देश म्हणजे मागासवर्गीय घटकातील नागरिकांना बँकांच्या त्रासाशिवाय थेट कर्ज उपलब्ध करून देणे.
योजनेतील कर्ज व अनुदान रचना
प्रकल्प मर्यादा: ₹1,00,000 पर्यंत
महामंडळाचा सहभाग: ₹45,000
अनुदान: ₹50,000
अर्जदाराचा सहभाग: ₹5,000
व्याजदर: वार्षिक 4%
परतफेड कालावधी: 3 वर्षे (36 समान मासिक हप्ते)
अर्जदार पात्रता (Eligibility)
अर्जदार अनुसूचित जाती अथवा नवबौद्ध समाजातील असावा.
महाराष्ट्र राज्याचा रहिवासी असावा.
किमान 18 वर्षे वय पूर्ण झालेले असावे.
अर्जदाराचा उत्पन्नाचा दाखला आवश्यक.
अर्जदाराने आधीच इतर कोणत्याही शासकीय कर्ज योजनेचा लाभ घेतलेला नसावा.
आवश्यक कागदपत्रे
जातीचा दाखला
उत्पन्नाचा दाखला
राहिवासी पुरावा (आधार कार्ड, पॅन कार्ड, रेशन कार्ड, मतदार ओळखपत्र, विज बिल इ.)
व्यवसायाशी संबंधित कागदपत्रे (किमतीपत्रक, परवाना इ.)
पासपोर्ट साईज फोटो
बँक पासबुकची प्रत
अर्ज कसा करावा? (Online Process)
सर्वप्रथम Google मध्ये शोधा mahajobs mahadbt थेट कर्ज योजना 2025 किंवा थेट या संकेतस्थळाला भेट द्या:
🔗 https://mahaadisa.mpbcdc.in
वेबसाईट उघडल्यावर "थेट कर्ज योजना" हा पर्याय निवडा.
मराठीत माहिती पाहायची असल्यास भाषा निवडा.
"आत्ताच अर्ज करा" वर क्लिक करा.
ऑनलाइन फॉर्ममध्ये माहिती 10 टप्प्यांमध्ये भरावी लागेल –
कर्जाची माहिती
केवायसी तपशील
मूलभूत माहिती
पत्ता तपशील
कुटुंबाची माहिती
तारण / हमीदार
साक्षीदार
आवश्यक कागदपत्रे
विक्रेता तपशील
अंतिम पुष्टीकरण
सर्व माहिती भरून फॉर्म सबमिट करा.
थेट कर्ज योजनेतून कोणते व्यवसाय सुरू करता येतात?
टेलरिंग (शिवणकाम)
ब्युटी पार्लर
हॉटेल / फास्ट फूड सेंटर
मोबाइल, कॉम्प्युटर रिपेअरिंग
इलेक्ट्रिशियन / इलेक्ट्रॉनिक रिपेअरिंग
किराणा / स्टेशनरी / मेडिकल स्टोअर
कापड / रेडीमेड गारमेंट दुकान
फॅब्रिकेशन व वेल्डिंग
प्रिंटिंग, झेरॉक्स, लॅमिनेशन
शेतीपूरक व्यवसाय
जीआर संदर्भ
या योजनेचा शासन निर्णय (जीआर) 21 डिसेंबर 2018 रोजी जाहीर करण्यात आला आहे. यानुसार थेट कर्ज योजनेची मर्यादा 25,000 रुपयांवरून वाढवून ₹1,00,000 करण्यात आली.
👉 हा जीआर वाचण्यासाठी अधिकृत लिंक येथे उपलब्ध आहे:
https://sjsa.maharashtra.gov.in
महत्त्वाची टीप
प्रत्येक जिल्ह्यातील कर्जाचे प्रमाण (लक्षांश) वेगळे असते.
अर्जदाराने फक्त दिलेल्या व्यवसायासाठीच कर्जाचा उपयोग करावा.
परतफेड वेळेवर न केल्यास कायदेशीर कारवाई होऊ शकते.
मित्रांनो, थेट कर्ज योजना 2025 ही मागासवर्गीय बांधवांसाठी रोजगाराचे दार उघडणारी महत्वाची योजना आहे. एक लाख रुपयांपर्यंतचे कर्ज आणि 50% अनुदान या योजनेला विशेष बनवते. तर तुम्हालाही स्वतःचा व्यवसाय सुरू करायचा असेल तर आजच अर्ज करा आणि या योजनेचा लाभ घ्या.
चॅनल जॉईन करा
0 टिप्पण्या