गोंदिया जिल्ह्याचे पालकमंत्री पदी सहकार मंत्री बाबासाहेब पाटील यांची नियुक्ती.

डिजिटल गावकरी न्यूज
दुर्गाप्रसाद घरतकर 

Gondia Jilha Palkmantri : नमस्कार मंडळी, महाराष्ट्र राज्य सरकारने १८ जानेवारी २०२५ रोजी जिल्ह्यांच्या पालकमंत्र्यांची यादी जाहीर केली आहे. या यादीनुसार, गोंदिया जिल्ह्याचे पालकमंत्री म्हणून सहकार मंत्री बाबासाहेब पाटील यांची नियुक्ती करण्यात आली आहे. बाबासाहेब पाटील हे लातूर जिल्ह्यातील अहमदपूर मतदारसंघाचे विद्यमान आमदार आहेत.

बाळासाहेब पाटील हे महाराष्ट्र राज्यातील एक प्रतिष्ठित राजकारणी आहेत. त्यांनी महाराष्ट्राच्या सहकार विभागाचे कॅबिनेट मंत्री म्हणून कार्य केले आहे. राष्ट्रवादी काँग्रेस पक्षाच्या तिकिटावर त्यांनी कराड उत्तर विधानसभा मतदारसंघातून पाच वेळा आमदार म्हणून निवडून आले आहेत.

प्रारंभिक जीवन आणि शिक्षण: बाळासाहेब पाटील यांचा जन्म २९ जुलै १९६१ रोजी कराड, महाराष्ट्र येथे झाला. त्यांचे प्राथमिक आणि माध्यमिक शिक्षण कराड येथील महाराष्ट्र हायस्कूलमध्ये झाले, तर उच्च माध्यमिक शिक्षण त्यांनी वेणूताई चव्हाण महाविद्यालय, कराड येथे पूर्ण केले. शेतीची त्यांना विशेष आवड आहे, आणि बैलांच्या सहाय्याने शेतीची मशागत करणे, पेरणी करणे हा त्यांचा आवडीचा भाग आहे.

राजकीय कारकीर्द: बाळासाहेब पाटील यांनी १९९२ साली सह्याद्रि सहकारी साखर कारखाना, यशवंतनगर, ता. कराड, जि. सातारा येथे संचालकपदाची जबाबदारी स्वीकारली. १९९६ साली ते या कारखान्याचे चेअरमन बनले आणि आजपर्यंत या पदावर कार्यरत आहेत. त्यांच्या नेतृत्वाखाली कारखान्याने राज्य आणि देश पातळीवरील अनेक पुरस्कार मिळविले आहेत.

१९९९ साली राष्ट्रवादी काँग्रेस पक्षाच्या स्थापनेनंतर, त्यांनी कराड उत्तर विधानसभा मतदारसंघातून निवडणूक लढवून मोठ्या मताधिक्याने विजय मिळविला. त्यानंतर २००४, २००९, २०१४ (अपक्ष म्हणून) आणि २०१९ साली त्यांनी सलग पाच वेळा आमदार म्हणून विजय मिळविला.

मंत्रीपद आणि कार्य: २०१९ साली उद्धव बाळासाहेब ठाकरे यांच्या नेतृत्वाखालील महाविकास आघाडी सरकारमध्ये बाळासाहेब पाटील यांनी सहकार आणि पणन विभागाचे कॅबिनेट मंत्री म्हणून कार्यभार स्वीकारला. त्यांच्या कार्यकाळात शेतकऱ्यांच्या हितासाठी अनेक धोरणात्मक निर्णय घेण्यात आले, ज्यामध्ये कापूस खरेदीत विक्रमी वाढ आणि महात्मा ज्योतिराव फुले शेतकरी कर्जमुक्ती योजना यांचा समावेश आहे.

सहकारी क्षेत्रातील योगदान: बाळासाहेब पाटील यांनी सहकारी साखर कारखान्यांच्या विकासासाठी महत्वपूर्ण भूमिका बजावली आहे. त्यांच्या नेतृत्वाखाली सह्याद्रि सहकारी साखर कारखान्याने उत्कृष्ट आर्थिक नियोजन आणि प्रशासनामुळे राज्यात लौकिक प्राप्त केला आहे.