मंदिरामध्ये आसरा घेणाऱ्या महिलेवर पुजाऱ्यानीं बलात्कार करून केली निर्घृण हत्या | Akshta Mathre Mumbai News .

Digital Gaavkari
By: दुर्गाप्रसाद घरतकर

Akshta Mathre Mumbai Thane News :
ही घटना आहे 9 जुलै 2024 रोजी ठाणे जिल्ह्यातील कल्याणजवळील शिळफाटा येथील घोल गणेश मंदिरात भेट देणाऱ्या एका व्यक्तीला एका महिलेचा मृतदेह आढळला. तिच्या शरीरावर झालेल्या जखमांमुळे पोलिसांनी गैरप्रकार झाल्याचा संशय व्यक्त करून या प्रकरणावर तपास सुरू केला. मंदिरातील सीसीटीव्ही फुटेजमुळे त्यांना तीन संशयित व्यक्ती ओळखण्यात मदत झाली - श्याम सुंदर शर्मा, संतोष कुमार मिश्रा आणि राजकुमार पांडे - जे मंदिरात पुजारी आणि सेवेकरी (मदतनीस) म्हणून काम करत होते.

तपासात पीडित महिला अक्षता म्हात्रे असल्याचे समोर आले असून, तिच्या कुटुंबियांनी एक दिवसापूर्वी बेपत्ता झाल्याची तक्रार पोलीस स्टेशन मध्ये नोंदवली होती. सासरच्यांशी वाद झाल्यानंतर अक्षता 6 जुलै रोजी मंदिरात गेली होती. मंदिराच्या तीन कार्यकर्त्यांनी तिला जेवण दिले आणि नंतर चहा पाजला. आणि तिला बेशुद्ध करून तिच्यावर बलात्कार करून तिची हत्या केली. यामध्ये आरोपींनी गुन्ह्याची कबुली दिली असून, तिघांनाही अटक करण्यात आली आहे.

मृत्युमुखी अक्षताची  बहीण कोमल आगसकर हिने सासरच्या लोकांवर केलेल्या आरोपांची माहिती दिली आहे. कोमलचा आरोप आहे की, गेल्या सहा वर्षांपासून अक्षताचा पती, सासू, मेहुणा आणि सासरे मानसिक छळ करत होते. कोमलच्या म्हणण्यानुसार, अक्षताच्या सासरच्यांना फक्त तिच्या पैशातच रस होता आणि त्यांनी तिला त्यांच्यासोबत राहण्यास भाग पाडले होते. अक्षता बेपत्ता होण्याच्या आदल्या रात्री तिच्या पतीने कथितरित्या कोमलला फोन करून ती घरी परतली का हे विचारले होते . अक्षताच्या सासरच्या मंडळींनी तिचा मानसिक छळ करून घराबाहेर काढल्याचा संशय कोमलला आला होता.

नंतर पोलिसांनी अक्षताच्या सासरची चौकशी योग्य प्रकारे केली नाही आणि कोणतीही माहिती न देता तिच्या कुटुंबियांना तासनतास पोलिस स्टेशनमध्ये ताटकळत ठेवले, अशी टीकाही कोमलने केली आहे. अक्षता बेपत्ता झाल्याच्या तक्रारीची पोलिसांनी योग्य चौकशी केली असती तर तिचे लोकेशन ट्रेस केले असते आणि कदाचित तिचे प्राण वाचू शकले असते असे तिला वाटत होते.

या प्रकरणावर विधान परिषदेच्या (महाराष्ट्राच्या विधानपरिषद) उपसभापती निलम गोरे यांनी गृहमंत्री देवेंद्र फडणवीस यांना पत्र लिहून मंदिराच्या कामगारांविरुद्ध कडक खटला चालवण्यासाठी विशेष सरकारी वकील नेमण्याची मागणी केली आहे. मंदिरे आणि धार्मिक स्थळांवर कडक सुरक्षा उपाय आणि अशा ठिकाणी काम करणाऱ्या लोकांची पार्श्वभूमी तपासण्याची मागणीही त्यांनी सरकारकडे केली आहे.

मित्रानो आज शिवाजी महाराजांच्या महाराष्ट्रामध्ये मंदिरात बलात्काराच्या घटना घडत आहेत ही खूप लाजीरवाणी आणि दुःखाची गोष्ट आहे . सांत्वनासाठी गेलेल्या एका महिलेची मंदिरात सेवा करणाऱ्या या पंडित आणि त्याच्या सहकाऱ्यांनी तिची बलात्कार करून तिचा खून केला आहे आश्या लोकांना मंदिरामध्ये जागा देऊ नये आता यांच्यावर वर कठोर कारवाही झाली नाही तर अश्या लोकांची संख्या ही वाढत राहील आणि असे गुन्हे घडत राहतील असे मला वाटते.